ონკოლოგიისა და ჰემატოლოგიის ცენტრი ყველა სახის სიმსივნისა და სისხლის დარღვევების მქონე ბავშვებსა და მოზარდებს სრულფასოვან ამბულატორიულ სერვისს სთავაზობს, რაც, თავის მხრივ, დიაგნოსტიკასა და არასტაციონარულ მკურნალობას მოიცავს. ცენტრი სპეციალიზებულ მომსახურებას აწვდის 0-დან 18 წლამდე პაციენტებს და აღჭურვილია ულტრათანამედროვე სადიაგნოსტიკო საშუალებებით. მათ შორის, ხელმისაწვდომია:
- ბლასტური უჯრედების იმუნოფენოტიპირება (უახლესი თაობის გამდინარე ციტომეტრით);
- ძვლის ტვინის ფუნქცია და ტრეპანობიოფსია;
- ციტომორფოლოგიური და ციტოქიმიური კვლევები;
- მოლეკულური და გენეტიკური კვლევა (PCR-მეთოდით);
- მინიმალური რეზიდუალური დაავადების დეტექცია (MRD);
- კომპიუტერული ტომოგრაფია;
- ულტრასონოგრაფია;
- რენტგენოლოგიური კვლევები;
- ლაბორატორიული გამოკვლევა;
ამბულატორიული სერვისები მოიცავს კლინიკური ონკოლოგიის ყველა სახის თერაპიას, მათ შორის ქიმიო, იმუნო, ტარგეტულ და ჰორმონოთერაპიას. ცენტრში ხორციელდება ონკოლოგიური, ჰემატოლოგიური და ონკოჰემატოლოგიური დაავადებების მკურნალობა. მათ შორის, წარმატებით იმართება:
- ყველა სახის შეძენილი ანემია;
- ყველა სახის თანდაყოლილი ანემია(თალასემია, მიკროსფეროციტოზი, G6PD, პირუვატ–კინაზის დეფიციტი და ა.შ)
- თრომბოციტოპენიური პურპურების ყველა ქვეტიპი;
- კოაგულოპათიები;
- მიელოდისპლაზიური სინდრომები;
- ძვლის ტვინის ტრანსპლანტაციის შემდგომ განვითარებული GVHD-ის მწვავე და ქრონიკული ფორმები;
- ყველა სახის სოლიდური სიმსივნის ამბულატორიული მართვა;
ჰოსპიტალში ხელმისაწვდომია ტკივილის მართვისა და ფსიქოლოგიური მხარდაჭერის სამსახური, რაც განსაკუთრებულ მნიშვნელობას იძენს ონკოლოგიური დაავადებების მკურნალობის პროცესში.